بحكم الخبرة ( يعني قد ما اكلت شلاليط من ورا العك)
و كتتان الشعر المستمر( احط ايدي عليه بس اللي ورثتها منه .. و ديني لرفع حواجبه سبايكي هالاقرع)
و هريان السنان القادم بدون شك ( لا سنسوداين و لا خلطة عمتي اللي عملتلي قرحة و بواصير و سعال ديكي و سعال جاف و اسهال ركب و نفخان بالامعاء الدقيقة و نفسان بالامعاء الغليظه
و برضو راح طاحونه فوق و 2 تحت )
بحكم كل هدول و اكثر ( منيح اني بتنفس ) ، حبيت اشارك شباب المستقبل خمسة نصائح مهمه
و اللي بوقع فيها رح يلحقني باختفاء و تهتك الاعضاء اللي مذكور سابقا .
1 - لما البنت تسالك بتحبني ..
لا تصفن فيها و لا بعيونها برومنسية ( قال يعني كلك احساس ، و انت يا مشحر صافن لحتى تتذكر اسمها او مين هاي اصلا ) ..
وقتها هي رح تحس انك بتفكر و بتقرر باشي هي بتعتبره من المسلمات
و في هيك موقف ما اتوقع تلحق تكمل الصفنه و لا رح تتذكر اصلا هي مين
( لانه اهم الاعراض الجانبية للراس المفتوحة هو فقدان الذاكرة .. بالاضاف للموت طبعا ... احيانا)
و لا تقول كلمة اكيد و تسكت ، الا اذا حابب تخسر التأمين الصحي تبعك ( لانه طبيعي بعد ما تخلص منك حتى اهلك رح يتبرو منك مش بس التأمين )
و لا تحكي جوابك بسرعة لانه رح تفكرك بتحكي اشي حافظه بدون تفكير و بدون تحديد انه جوابك الها بالذات ( ما بدي احكيلك شو النتيجه .. بدك تعرف روح جربها .. قلمي يعجز عن الوصف اصلا )
الحل المثالي بهيك حاله دور على اول سيارة و ارمي حالك تحتها .. صدقني .. النتيجة و بكل المقاييس ارحم.
2 - لما مرتك تسألك حبيبي هاد احلى علي ولا هاد ؟
لا تجاوب يا مشحر .. لا تحاول حتى تعمل اي تعبير بوجهك ...
اقلك ... لا تتنفس نهائي
اذا اخترت واحد رح تنفر منه و تختار التاني و تقلك و اخترت واحد هيك
بس عشان تسكتني .. و خدلك نكد ليوم النكد ..
اذا قلتلها ما بعرف كمان رح تقلك انت ما بهمك و بدك بس تخلص مني بس و بعمرك ما اهتميت
و تفتحلك الماضي و المستقبل
و تشغل اسطوانه ( ايام الخطبة كنت شاطر تحكيلي هيك و تتغزل في هيك و تتمنى ارضى عليك و هلا ما عاد تفرق معك )
و برضو خدلك نكد ليوم النكد ابو كم سنه .. ممكن لحد ما يجي اول احفادكم و تنسى الموضوع شوي.
اذا قلتلها التنين عليكي بجننو يا عمري و يا روح قلبي ...
امك غضبانه عليك
رح تمسح بكرامتك نص بلاط مستشفيات الاردن .. و انت بتعرف يا حلو متى آخر مرة مسحوه لهالبلاط ..
رح تقلك نفسي اعتمد عليك باشي واحد .. نفسي تهتم فيي مرة وحده بس
نفسي .....
نفسي ......
و انت .....
و انت.....
و كمان مرة .. خدلك نكد ليوم النكد .. و لا احفاد و لا حتى تحرح الاقصى بنسيها الموضوع
انت متت .. الله يرحمك
الحل الامثل بهيك حاله .. وو حل ذكي جدا و بسيط
تصفن فيها و تقلها بحبك .. بجد بحبك و انا حمار اني زمان ما اتطلعت بوجهك و ركزت بكل خط فيه و كل تنيه و كل تفاصيله
ولك بجد صرتي بتجنني .. الله لا يحرمني منك يا احلى و اغلى انسانه بالكون ...
و بعد هيك مباشرة ... مباااااشرة
على اول شباك و نط منه قبل لا تقدر تحط ايدها عليك
لانه لو قلبتلها الهوا ماس و دهب ما في اشي رح ينجيك منها مهما كان جوابك
بي اس : يفضل بس تتزوج تسكن في الطابق الثالث فما فوق
لانه لو نطيت و تكسرت بس و ما متت .. فا انت يا عزيزي اكلت خازوق تركي من اللي قلبك ..
انو قلب يا حسرة ... الخازوق رح يشيل القلب بطريقه اصلا ..
__________________
عكلي خزك و جيبي مخزوك و كمان متزوج ، الله لا يردني بستاهل اتخوزك
MMS> وسائط 